A boy’s mega run for chiranjeevi
Saturday, February 16th, 2008 at 8:11 am
మెగాస్టార్ చిరంజీవి రాజకీయ రంగప్రవేశంపై రాష్ట్ర వ్యాప్తంగా ఆయన అభిమానులు సందడి చేస్తున్న నేపధ్యంలో ఒక చిన్నారి కూడా తన వంతు బుడత సాయం చేయనున్నాడు. చిరంజీవి రాజకీయాల్లోకి ప్రవేశించాలని కోరుతూ విశాఖపట్టణం నుంచి హైద్రాబాద్ వరకూ 600 కిలోమీటర్ల రన్ ఈ చిన్నారి చేపట్టనున్నాడు. విశాఖపట్టణం జిల్లా మాడుగుల నివాసి అయిన 12 ఏళ్ల సాయినాధ్ చిరంజీవి వీరాభిమాని. ఇటీవల కాలంలో చిరంజీవి రాజకీయ రంగప్రవేశం గురించి వస్తున్న వార్తలతో ప్రభావితమైన సాయినాథ్ ఇందుకు తనవంతుగా ప్రచారం చేయాలని నిర్ణయించుకుని ఈ భారీ రన్ ఆలోచనకు వచ్చాడు. ఈ నెల 17న ప్రారంభమయ్యే ఈ రన్ 20 రోజులపాటు సాగుతుంది. దారిలో చిరంజీవికి అనుకూలంగా కోటి సంతకాలు సేకరించాలని, ఒక్కో అభిమాని వద్ద నుంచి ఒక్కో రూపాయి సేకరించి మెగాస్టార్ చేతుల మీదుగా వికలాంగులకు అందచేస్తానని సాయినాథ్ అంటున్నాడు. సాయినాథ్కు అందరూ శుభాకాంక్షలాందచేస్తున్నారు.
Loading ...
Loading ...
